I Tanja Vasić – diplomirimo psihologo em programsko direktori an i Asociacia „Savore“ editiringja jekh teksti ki tema o fašizmi em alusaribaskiri lista „Levijant- Dživdina baši Srbia“. Oj pire organizaciaja vazdingja i incijativa „Kos o Fašizmo – STOP bašo Levijant“
Ko teksti maškar o aver vakerel pe : Ko vakti kana i sasti lumia kerel taro prio sistemo te čhidel o rasizmo, i Srbia institucionalizirinela o fašiymo em i diskriminacia.
Ola ko akala alusariba khuvgje špekulativno a desave politikane akteria kamen ko tikno udar te čhiven akaja asociacia ko institucie.
Ki Srbia o fašizmo nane paši ideologia em generaciencar kerde baro maripa te ovel eliminirime akana o Levijant kerel promocia sar zoralipa upral o majtrušale em marginalizirime a odola si o Roma.
Sa odova si proformulirime sar aktivistoa bašo lačho dživdipa e džanvariengoro em olengiri protektiva.
Odola aktia si lačhe pendžarde prekal lende inicijative sar so si protektiva e grasteske taro Niš mujal o Roma, o rikono taro Beograd so sine lende taro Roma em avera.
O govermento na kergja nisavi reakcia. Odova sikavel op fakti kaj i Srbia nane kanoni te kerel protektiva e marginalizirime Romenge.
Ko jekh čudno si o fakti kaj ko Parlamentarno alusariba akava vikendi ki Srbia o Levijant resle 10.000 vote. Oj vakerel kaj si akava bari ladže Srbiake! Odova sikavel o fakti kaj o fašizmo khuvel ko majkišle, ko akava momenti odola si o Roma!
