Sebepi i pandemia taro COVID 19 em o dende porpozalo em protokoloa taro SZO , o XI-to IRU Kongreso ikerel pe prekal Video Konferencia . Ko plano thaj programo ko aktivitetoa taro IRU andi si decizia taro 22 dži ko 27 juno 2020 berš te ikeren pe 5 video konferencie kote o delegatoa thaj IRU membrora ka keren diskusie vash majbut teme, maškar thaj bašo COVID 19 maškar i Romani jekhin em lende akcie.
Odova havel pe kaj ko odola 5 divesa pire diskusie em dikhiba ka ovel e IRU membrora thaj delegatora tari Europa, Asia, Afrika, Australia, North, Central thaj South Amerika o džuvljano lobi taro IRU thaj o IRU Kriso.
Sar šerutno em centralno akti ka ovel ko 27 juni 2020 berš – Savato taro 10 dži ko 12 o časo kotetrujal membrora em IRU delegatora, ko utsavalo protokolo ka intonirinel pe i Romani himna diskusie em importantno taro EU (eurodeputatoa, am aver oficialno representoa tari europakjere em lumiakere organizacie , diplomatoa, asociacie em fondacie, NGO sektoro em avera ).
Ko mismero o termino si taro 13 dži ko 18 o časo o alusar o nevo IRU presidiumo thaj pozicie.
Avgo drom ki IRU historia ko votibe bašo IRU pozicietrujal o IRU delegatora ka oven konektirime em i Romani nacia ki sasti lumiakote pire votaja ki kerdi Web IRU platforma so kreiringja la o ET timo prekal e mailka šaj den piri vota. Ani odoja forma ka šaj ola da anen piri decizia e buvle mandatoske ki promocia em demokratia taro IRU. O votibe ka ovel ko 25 thaj 26 juni.
Trujal sa aso i hoš maškar IRU delegatora thaj IRU membrora ko deiba o nevo IRU mandato ko presodoumo ko madnato 2020 -2024 den sasto suporto e presidenteske ko dži akanutno IRU o Zoram Dimov.
Definitivno andi decizia aso resle vote ka džanel pe ko agor taro 11-to IRU Kongreso ko 27 juno ko mismeri.
