Ko alusariba ki kroacia o HDZ legargja bari viktoria kote reslja te khedel 69 mandatoa. Ko jekh mandato ko Koroaciakoro Sabor reslja em o džiakanutno romano deputato o Veljko Kajtazi. Ov ko FB profilo editiringja šukrikerin dži ko sa okola so dengje piri vota oleske. Ov ko FB hramosargja: „ Šukrikerin dži savorende so dengje piro suporto a ekstra e Romane Uniake tari Kroacia i „Kali Sara“ olakere membrora ko presidiumo em olakere sa membria . Amen barabutne reslem akava historikano rezultato trujal sa o kerde bariere em melale amgloalusaribaskere khelina ki kampanja taro mire mujal kandidatoa, dizjakere šerutne em politikane oponentoa.
Akava drom bičhavgje majzoralo mesažo kaj na siam bikinibaske, džanaja em šaj em manga te kera buti!
Taro avdive džaja majodoriga e bukjaka ko progresote lačhara I situacia taro sa o minjoritetoa am majbut e romane minjoriteteske sar majteleperavdi kategoria.
Akaharav savoren barabutne te kera maripa Ka ovav tumaro hangop sar so sium sine dži akana!
Ko jekh te bahtarav i bari viktoria taro HDZ sar amare partenroa em pakjava kaj ka keren mabut amenge e Romenge!“ vakerel ko agor ko prio FB o Veljko Kjatazi.