Ko vakti kana I Germania kerel buti ko odova o tifozia ko sporti palem te iranen pe ko tribune, timo taro ekspertoa ki Univerzitetsko klinika ko Halle , Germania organizirinela jekh eksperimenti kote milja kandidatia ka aven ko jekh koncerti pop muzikaja.
O ekspertoa pakjana kaj ka regrutirinen 4.000 kandidatia so ko 22 avgusti ka aven ki arena ko Lajpzig. O kandidatia ko berša taro 18 dži ko 50 berša ka oven aglutne testirime tari koronavirusi em than ka len salde okola so ka oven negativno ko testi.
Ko koncerti ka giljavel o popularno Tim Bencko, “ te šaj “I publika kerel I atmosfera so majrealno” vakeren o organizatoria.
O kandidatia ka valjani te legaren FFP2 filter maske, em ka lel pe fluroscentno dezinfekcia so del jekh nivelo protektiva em e ekspertonge ka ovel sar reperi te dikhen I publika so majbut astarela. Majimportantno ka ovel sa o kandidatia te ovel olen aparati so ka kontrolirinel olengoro phiribe em kobor si distancirime jekh jekhestar.
