I nevi andi decizia andi si palo pobuter internacionalno diskusie bašo rasizmo. Ekstra ki USA. Kote o bare kompanie trampingje o anava taro desave olengere berendia taro tradicionalno anava sebepi rasistikane stereotipoa. Jekh taro majbare germansko kompanie hajbaske „Knorr“ vakergja kaj ka trampinel o anav taro olengoro popularno sosi so tharela „Zigeuner sauce” sebepi rasistikani konotacia m vajkeren e germaniakere mediumia. O nevo anava ka legarel sar „Sosi tari paprika ki hungariakori forma“ Akcentirime si kaj akava artiklo taro sos ka ikljol ko germansko marketia em dukjania e neve anavea bašo nekobor divesa. Trujal akava artiklo ko vakti tari i diskusia phravgja pe šajdipa em trampa ko anav taro jekh viensko fabrika so kerel keksi tari firma Kelly's mangel te preinkerel o anav taro olengoro jekh artiklo pendžardo sar „ Zigeuner fahrrad „ . Taro agor e masekoske avgust akava artiklo ka bikinel pe anavea „Circus Wheels“, - („Cirkusko rota„)
