Tinejdžeria so volontiringje ko arheološko rodaripa ko Israel arakhle 425 somnakaeskere lire so sine parume go kjupco paše 1100 berša, hramosarel o BBC.
O arheologo Lijat Nadav-Ziv thaj Eli Hadad vakerena kaj akala arheološko kotora si rezultato tari phari em lungo buti taro akala terne manuša.
O eksperto bašo purane monete , Robert Kol vakerel kaj akala monete datirinena taro agor e XIX veko so si somnakaeskoro period ko odova arapsko thagaripa. O Kalifati akceptirinel sine baro kotor taro Paše Purab em utarali Afrika.
– Pakajava kaj akava aktiviteto em rodaripa palo somnakaj ka den majbut informacie akale vakteske kaske džanaja but hari, vakergja o Kol.
Ko Israel ko 2015 berš amateria arheologia arakhle 2.000 somnakaeskere monete ki kinara taro purano pristanište Kesaria, so si taro vakti taro Fatimidite taro periodi maškar X jali XI veko.
