I deviza „ De so ka den“ palem si aktuelno maškar o romano politikano bloko. Pali avgo bibahtake bašo o Roma situacia kana dengje pe o funkcie –pozicie ko avgo ešaloni (ministeria, vice ministeria ) taro mandatari e neve Govermentoske o Zoran Zaev akana ka ovel aktuelno o hulavipa o funkcie bašo nevo formirime direktoriumo, sekretariati jali agencia (nali nane pobuter ministeri bizo resor), palo odova o pozicie taro desve dirketorsko thana ko themakere institucie, olengere zamenikia, themakere sekretaroa em avera.
Em akana maškar o romane partie em olengere lideria len o kalkulatori em počminen olengere matematike ko ki savi pozicia te astarel. Te našti deputato, ministeri jali viceministeri, te astaren o treno taro aver potelune funkcie. Počmingje o „grebiba“ dži ko geovermento em premieri majanglader peske korkoro „lačho funkcionalno than-pozicia, a palo odova „de so ka den“ olengere majpašenge, familia em partisko megafonia.
Oraktika so em palo avgo „nokauti“ taro goveremnti premal o romano eštablimenti, džana okolaja „i pakjiv agorutni merela“
I fraza“me mange te astarav lačho than, a tumende koj dikhela“ si motivo so keren em lenageren pe o politikane lideria, bizo te rezonirinel so ka ovel oleskere nacijaja !
A odola da funkcie dži kote resel pe „te astaren olen“ na džal pe taro fakti kaj odole poziciake valjani te ovel profesionalco, em educirimo profili. Ama kas halja odoja gajlja? E romane lideren prioriteti si te šaj astaren i eventualno dendi pozicia –funkcia . Soske ola sako drom trubul te oven, deputatoa, ministeria, viceministeria, direktoria . I fotelja si gudli. A isi li profesionalno em edicirimo prfili odole pozicienge , a nane eventualno partisko angažirime- e olenge nane thana!