Ko 4 septemvri 2020 mulo o Muhamed Mašali anavkerdo sar „doktori e čorolenge“ . Akava egipetsko doktori 50 berša sasljarel sine Н e majčorolen bizi diferenca savi si oleskiri religia . Ov sekaske del sine suporto si li ov muslimano jali koptsko hristijano.
Ov na salde so bilovengoro sasljarel sine e pacienten so si čorole ki pli ordinacia nego em but droma dela len sine love.
Sakodive sine le but manuša anglal i ordinacia so kerel sine em po 10 saatia buti ko dive. O Muhamed Mašali nikana na sine le piro vrda , pa ni telefoni . Džala sine peški kheral dži ki ordinacia sako dive trujal so sine le 80 berša.Kana jekh barvalo taro odola regionia šungja baši oleskiri buti dengja le 20.000 dolaria em vordon te šaj selinen pe ama jekh berš palo odova kaj irangja pe ko Egipet, o barvalo manuš havljargja kaj o doktori bikingja o vordon te del suporto e čorolen em kingja medicinsko oprema.
Kana o Muhamed Mašali diplomiringja ko medicinsko fakulteti ko Kairo ko Egipet ko 1967 berš vakergja soske ov kerel asavko aktiviteto.
-Miro dat sine žrtva mande te educirinel man em te ovav doktori. Tegani dengjum lafi e devleske kaj nane te lav phago denari taro čorole manuša em ka kerav buti primal odova narodi bizi diferenca savi si leskiri kultura jali religia, vakergja o Mašali. Doktor Mašal lokhi ti phuv!
Link: https://www.alo.rs/razbibriga/zanimljivosti/pedeset-godina-je-besplatno-lecio-siromasne-pacijentima-je-cak-i-novac-poklanjao-a-tuzno-je-kakav-je-kraj-docekao/331614/vest
