O Jozef Mengele (germansko: Josef Mengele; 16 mart 1911 - 7 fevruari 1979) — si germansko doktori so reslja sar teloanav „Angeli meribaske“ sebepi o aktia so kergja len ko Aušvic em avera konc logoria. Kerel sine eksperimentia upral o manuša em sine le savala sar organiziriba ko logoria: ko gasno komore bičhavgja paše 400.000 manuša, sar em o Adolf Ajman. Biame si ko Ginzburg Bavaria. Sine membro ki V Divizia taro SS ovcia em reslja sastrnalo križo taro avgo em dujto nivelo. Ko Aušvic kerel sine buteder naetilko eksperminetoa. Ov ko desave umalja taro medicina si sebepi ko progresi ki medicina avdive , ama na ko sa eksperimentia taro Mengele sine naučno , sar so si kaj mangel sine te kerel trampa ko kolori taro jakha, kote čhivel sine inekcie taro hemikalie ko jakha taro o čhave , amputacia taro ekstremitetoa , kerel sine operacie (eksperimentoa) upral I godi taro manuša bizi anastezia em aver brutalno operacie.
O Mengele sine o majphureder čhavo ki familia. Oleskoro dat sine industrialco em kergja kompania- firma “Carl Mengele em o čhave” . Sine le panda duj phralja. Prandingja pe duj droma em sine le čhavo anavea Ralf. O aktia taro o rodaripa taro Mengele sine pošukare parvarde em arakhle diferencijaja taro aver logorašia, em na sine ola mukhle ko gasno komore. Kana džal sine te dikhel e čhaven . subjektoa, ov peste prezentirinel pe sine sar “kako Mengele” em dela len sine gudlimata. Neko taro okola so ačhile dživdie dena pe godi trujal so kerel sine odola bibahtale aktia ov sine em anavekrdo sar “O protektorati Mengele – Manuš so arakhelal len” Ko lil “ Čhave tari jag” isi notacie taro medicinakere eksperimentoa taro Mengele kote so kergja len upral paše 3000 bliznakoja so sine ko konc logori Aušvic ko vakti taro dujto lumiakoro maripa dži ko leskoro tromalipa ko agor e maribaske. Salde 26 paria taro bliznakoa ačhile dživde , em 60 berša palo odova sar čhave so ačhile dživdie taro oleskere medicinsko eksperimentoa em inekcije ola notiringje pe sar ekstra privilegie so sine len ko Aušvic salde so o Mengele sikavgja interes e bliznakonge , em olemgoiri bibaht so sine konsekvenca taro odola rezultatia.
