O ERRC ko 9 septembro editiringja piro majnevo raporto ko phagiba o manušikane niamia kerde upreder o Roma ko 12 europsko thema ko vakti taro anglonilaskiri dalga taro COVID 19 . O raporto anavkerdo sar “ O Romane hakoa ko vakti taro COVID” demonstiringja I determinacia kote o Roma sine akceptirime diskriminacijaja em institucionalno rasizmo ko thavdipa taro avgo jekvaš 2020 berš.
“Taro fwevruari dži ko juni 2020 berš kana I majbari sama ki lumia sine lagrdi primal o COVID 19 e Romen atakujngje, maltretiringje em sine rasistikane atakoa em taro nacionalno policie. Sine paldime taro thana kote so dživdinena sine zorea viktimia taro ultranacionalno političko partie em lideria em na mukhli sastipaskiri protektiva” tergjol ko raporto taro ERRC so ilustiririnela I situacia e Romencar ki Albaniam Belgia, Bugaria, Ungaria, Italia, Moldavia, North Makedonia, Romania, Srbia, Slovakia, Turkia em Ukraina. O raporto detalno analizirinela sar o Romane čhave na sine mukhle ki špkola, savo sine kerdo karantini ko Romane mahale ko desave thema savo raport dena sine desave mediumia ko odola thema so keren sine demonizacia e Romane populaciake.
O raporto ko jekh isi le em dende Propozaloa dži ki Europakiri Komisia em ko ofisoa sar šaj te faisalkeren pe odola pučiba tari sistemsko diskriminacia so si targetirime I Romani nacia. O ERRC akharela sa e internacionalno ofisen em institucie te keren urgentno konskevence em ma te oven rutina ko vakti tari I pandemia.
