O govermenti ki jekh germansko regioneske arakhlja 29 dženen ki ultra nacionalističko grupa sar chat kote ko jekh em sine policajcoa. Sa ola si paldime tari buti em mujal olende si vazdime disciplinsko akti.
Herbert Reul ministeri andrune bukjenge ki North Raine-Westfalia informiringja e mediumen akale aktenge. Dži akana odothe si arakhle pandž asavke grupe so istemalkergje I aplikacija WhatsApp baši lengiri komunikacia.
Taro policajcia kaske džanela pe kaj sine konektirime odole grupencar 25 sine opservirime taro Policiakoro presidiumo ko Essen,. Majbut olemdar sine taro Mulheim an der Rurh.
Ola kergje racie mujal 14 policajcia ko 34 policiakere stasionia em olengere privat apartmanoa ko Dusiburg, Essen, Moers, Mulhaeim thaj Oberhausen, notirinela o Deutsche Press Agentur (DPA). Erati o Reul vakergja kaj akava momenti kerela “bari diskreditacija e policijake”.
