I familia tari 40 beršengiri Kadria Jašari taro Skopje, so muli palo bijanipavakeren kaj oj na sinela nisave problemia ko olakoro khamnipa, em kaj na sine ratvali kana sine andi ki Ginekologia, numa sine la bijanipaskere dikha.
Ola rodena te vakeren lenge soske o ginekologo so primingja la em kergja lake CTG em vakergja lake te džal peske khere em te iranel pe bašo duj saatia soske panda sine rano te bijanel.
„Sam sine trin džene laja. Gelem amenge sar o ginekologo vakergja lake te džal em te iranel pe duj saatia soske sine phravdi duj naja. Ola sine la phravde salde duj naja. Na sine la nisave problemia, a ki Ginekologija alem soske sine la bijanipaskere dukha . Kana resljem paše ko Šuto Orizaru , oj počmingja te ikljon but rata em irangjam amen napalal ki Ginekologia em odova sine paše 16:30 o saatiKo 20:30 rodingje amen te ava soske sar so vakergje oj si ko kritičmo situacia “ vakergja baši NOVA olakoro unuko Fejzula Jašarov.
Tari Ginekologia vakergje kaj sine lake kerdi operacia – Carski rez, em palo odova sine but ratavriba em panda jekh operacia te ikaven latar I matka. . O bebe sine dživdi ki avgo kerdi kontrola em o kerdo CTG a koga irangja pe o bebe sine mulo. A kontra taro vakeriba e familijakoro tari Ginekologia vakerena kaj o Ginekologo vakergja lake te bešel avrial em te adžikerel em te iranel pe bašo jekh saati tekvaš.
I familia si akana ko šoko. Legarge la te bijanel a irangje la muli. Ola rodena o sasto akti te del notacija sosoke na dengje olen I avgo kerdi CTG kontrola kana rodingje lender. Soske na ikljilo anglal olende o Ginekologo so kergja lake kontrola em so kergja I operacia, numa kaj muli vakergja lenge aver doktori.
„Rodaja te kerel pe sasti rekonstrukcia soske o ginekologo mukhlja la khere, em vakergja kaj panda na alo vakti te bijanel a irangja pe palo odova. Soske na dengje amen o avgo kerdo CTG kote dikhel pe kaj o bebe si dživdo. So ulo ko maškar vakti soske ule odola komplikacie ratvaribaja” vakerel o fejzula so kerel sine lafi ko anav e familiakoro.
I ibdukcia nane kerdi soske I familia rodingja te lel la khere. Ama I kanonikani regulative si decidno ko asavke aktia em trubul te kerel pe obdukcia.
E Kadrija isi la 4 čhave a na 6 sar so sine vakerdo ko desave mediumia taro doktoria. Kaj si khamni oj na džangja sa dži ko pandžto masek. O Fejzula vakerel kaj akana I muli khamni sine trin droma ko ginekologo jekh drom ko Čairi ko drom Džon Kenedi em duj droma ko Čento ki doktorka so angleder desave berša sine personalno doktori ko Šuto Orizari. Kana geli peske o džuvlja tari akaja komuna palem ačhile bizo personalno Ginekologo I familia vakerel kaj kana sine khamni na sine la nisave problemia sa dži ko momenti kana ali ki Ginekologia. Vakeren kaj sine lačhe o resulatatia em taro rat kote I doktorka vakergja lake kaj na trubul te lel terapia mujal grutkibe o rat.
„Vakergje lake kaj isi la sasti bebe čhaj ems a si šukar” vakeren I paše familia. Tari Ginekologia vakeren kaj oj muli sebepi defekti ko rat so alo resultati ko hulaviba taro gad em o doktoria kergje sa so valjani. Ola vakergje kaj ka ovel olen palem andruni kerdi kontrola tari Komisia.
E themakoro sanitarno inspektorati vakergje kaj ka startujnen inspekcia opseravcia majanglal ko personalno doktori em ki Klinika baši Ginekologia.
