E Europakiri Unia dela e Bugariake pobuter taro 1.5 milionia eura e bugarsko Ministeriumeske andrune bukjenge (Instituto baši psihologia) te implementirinel 20 praktike bašo 480 policajcoa sar te prependžaren “radikalno momentoa” ko Roma!
Ko vakti kana keraja lafi bašo maripa mujal antiromano hoš ko EU sa dži kote o president taro EP Von der Lajen kerel lafi te kerel pe “antirasisitikani “EU , e germaniakoro govermento kerel zori te kontrolirinel o baro progresi ko radikalizmo andre ko olakoro askeri em policia (29 policajcoa tari Nord Rajna Vestfalija suspendiringja angleder 4 divesa ki trampa fotografie tari Hitleri em migrantoa ko gasno komore )
O bigarsko govermento iranel I sama ko jekh sasto aver drumo: mangel love tari EU ko maripa mujal o “radikalizmo” ko Roma!!
O love avena tari Operativno programa ko lačho konsolidacia em taro Europakoro socialno Fondi a interesno si so o proekti si bapi korupcia em o anav e proekteskoro si “Buvljaripa taro ekspertsko kapacitetoa ko Ministeriumo andrune bukjenge te čhinaven pe o agresivno aktoa ko sasoitnipa, korupcia thaj radikalizmo”
Akava si saste europsko skandali em akharel pe urgentno akcia ko sa o Romane NGO em naromane NGO , političaria, em representoa tgaro NGO ko nivelo tari EU em nacionalno nivelo ki Bugaria soske but si riziko te mukhlja pe o Roma te oven etiketirime sar “radikalno” minjoriteto ko thema tari EU . Šaj te zamislina so ka ovel ako aver desavo minjkopriteto sar so si (jaudie, khorajam bugaria jali ungarcoa) si target asavke proektoske a finansirime lovencar taro EU.
Nane ni majhari klar sar o bugarsko govermento resle te pravdinen akala love kaj valjani bašo obuke ko europakso donatoria. Ake o informacie taro oficialno Web rig taro Ministeriumo andrune bukjenge. https://www.24chasa.bg/novini/article/9030952