Panda ko 70-to berša baro numero Roma gele sar gastarbajteria. Numa hari olendar šaj te falinen pe kaj si len dživdipa sar o Roma tasro regioni ko Šabac em Mačva ki Srbia. Akate dživdinen šaj o majbarvale Roma ko akava kotor tari Europa . Odova si o Roma taro gava Bugarim, Mačvanski Pričinovci em Gomilica. Akate isi bare luksuzno khera so isi len bazentia em si mosldime taro milioni eura. Odola luksuzno objektia akana si čuče bizo manuša em adžikeren pire gazden te aven ko nekobor kurke jali masek dive ko jekh berš te aven ko dajanipa tari Viena.
Egazamplo si i romani familia Jovanović so akana štar generacie si em dživdinen ki Viena. Ola vakeren sa si džabe em Viena, Pariz, London kana majšukar si olenge akate khere ko Bugarim. „Akate amenge si rajluko“ vakeren ola. Sa dži kote ko Bugarim isi len baro luksuzno khera ola ki Viena dživdinen ko apartmania taro 50m2. Sar so ola vakeren „Train ker buti em nikaske nane gajla dživdinel li ko aprtamni taro 50 m2 ki Viena.
"Тakate o Roma majbut si avrial ko stranstvo em akala khera kergje len e bukjaja so isi len odori. Akana si vakti te iranen pe em akate da te keren nešto“ vakeren ola. Sar so ola vakeren akate o Roma si složno , ama hari si „cecie“ premal o počorle košie, em majbut smetinel lenge i ljubomora.
