Ko 24 Novembro 2020, o pendžardo bugarsko kardiohirurgo prof.d-r. Aleksandar Čirkov taro leskoro paše amal sine arakhlo mulo ko hotelsko aprtamno ki Varna kote em dživdinel sine, havljargje o mediumia kote vakerel pe kaj na sine nasvalo taro Covid 19.
O pendžardo kardiohirurgo kergja i avgo transplatacia taro ilo ki Bugarija ki durutni 1986 berš.
Tari olleskiri biografija hulavel pe odova da so kergja specijalizacia ko pendžarutno kardiohirurgo o profesori Bihler ko Berlin ko 1966 berš em sine doktori kko odorigutno Unviresitetsko hospital, a palo odova gelo ko Universiteto ko Frankfurt an Main em ko Universiteto ko Frajburg m kote sine profesori taro 1981 berš.
Ko 1984 berš irangja be ki Bugarija akharde taro akademik Atanas Maleev , rektoro ko Medicinakoro academia em vice ministeri sastipaske. . Ov fundiringja em lungo berša direktori ko hospitali Sveta Katerina ki Sofija.
Sebepi odova sar bari šukrikerin , o romane aktivistia kergje inicijativate kerel pe monument – lipar e prof. Ćirkov ko Lom. I inicijativa sine editirime ko FB taro manuša ko Lom. Ko specialno rodaripa dži ki komuna Lom em e dizjakoro šerutno ko Lom, o Roma rodingje te thavdel o savakti kerdi memoria em respekto premal i medicina em o baro profesori o Aleksandar Čirkov.
