I EU počmingja te kerel I kontrola e vakcinenge taro Biontek /Fajzer em Moderna. I decizia te del pe akcepcia te ovel oficialno dži ko agor taro decembro odnosno januari. I vakcinacia ki Europa ka šaj te startujnel palo Nevo berš . O rodipa te del pe “šartialo šajdipa” te šaj te del pe akala duj vaccine mujal o Covid 19 ki EU taro germansko amerikansko firme Biontek em Fajzer thaj I amerikansko kompania Moderna reslja ki Europakiri agencia medikamentonge , EMA ko Amsterda, . E vakcinake kerdi ki Germanija majpakjavutne ka anel pe decizia dži ko 29 decembro e amrikansko vakcinake ko 14 januari. Dži kote džala primal o plani taro starti taro januari I EU ka šaj te počminel vakcinacijaja em imunizacia e Biontek.
I kompanija ko maškarvakti kerela kontrole si li I vakcina stabilno em ko tikne temperature. Trjal odova akava preparati šaj te skladirinel pe ko medicinakere frižideria ko centri e vakciunaciake kote ka šaj te oven liferujme dži ko dojktoria, kote pire pacientenge keren vakteskoro plani em agjaar I preparati ka istemalkerel pe prekal o dive da.
