Ko diz Niš ko niško policia buti keren jekh romano prandibaskoro pari . O Saša em i Dragica Dinić ki prandin si 28 berša r,m o duj džene keren buti ki niško policia. O Saša si oficiri em policisko poručniko, a i Dragica si referento an o policiakoro ofiso. Keren buti em keren zori te teleperaven i segregacia em diskriminacia te keren peske thaj pire familiake lačhi egzistencia – te educirinen pire čhaven te oven čačutne manuša. O Saša vakerel kaj ko 1990 berš agorkergja maškarutni škola. Palo odova gelo ko askeri. Kana avilo taro askerluko ov konkururungja bašo policajco nakhavgja i praktika em o krusoi em korkoro bizo dendo nejastar propozalo khuvgja ki policia. Majbut kergja buti e Romencar em ko romane mahale, ki olengiri integracia. E Dragicaja prandingja pe ko 1992 berš a ko 1993 berš bijangja pe olengiri pobari čhaj i Aleksandra so agorkergja učli prehrambeno edukacia , a ko 1997 berp bijandili i dujto čhaj i Jovana so akana si studento ko trinto berš ko Pravno fakulteti. O Saša ko plo 40 berš khuvgja te studirinel ko Fakulteti bašo Pravo, arakhiba em menadžmento sso agorkergja le sukcesiale. Asgorkergja o studie ko 2016 berš. Oleskiri romni i Dragica agorkergja maškarutni edukacia. Ko 2009 berš khuvgja te kerel buti ki policiakoro ofiso. Olakiri buti si ko ofiso bašo identifikacisko karte, apsportoa , trafikoskere sertifikatoa em aver personalno dokumentoa. O poručniko Denić vakerel kaj leskiri misia si na te marel pe uče poziciake jali love numa te sikavel piro džanlipa e majterne generaciaenge. Ov vakerel kaj sako sunmo si realno , salde te ovel pe baro mangipa odoleske.
