O Senad Biberović – Biber si jekh pendžardi persona so dikhen le sako dive ko droma ki Tuzla. Akava 50 beršengoro Rom kerel buti ko JP komunalno kompania paše 15 berša. Akava skrimno manuš vakerel kaj I Bosna si leske sa ki lumia. Ačhilo ki Bosna em kana sine le šansa te džal peske olatar . Ov vakerel kaj ki šuži Bosna leske majšukare. Avere rigatar ov but droma kip li morthik hošingja o bibahtalo dživdipa em I kriza ki them.
O Biber sine bizi buti paše 20 berša em odokhare berša ov rodela sine buti. Apliciringjum ko sa o bukjarne thana ama nikote na leljema. Soske, panda nane mange pendžarde. Sa agjaar sine sa dži kote na akhargje man ko intervju ko JKP Tuzla kote počmingjum te kerav buti sar higieničari ko parko a palo odova sebepi mo direktori o Admir Bečirević so dengja man šansa te sikavav kaj sium bukjarno manuš reslem saste mi buti – vakerel o Biber.
Ov vakerel kaj trujal oleste isi em avera Roma ki odoja kompanija so o Bečirević dengja olen šansa te keren buti- Ko 2012 berš o Biber reslja baro phursako oleskere bukjake. Ov vakerel kaj but mangela piri buti respektirinel savoren em odoleske na dikhen le leste sar komunalci numa sar dženo tari familia. Ov vakerel kaj napherdi mangin si leske so na agorkergja fakulteti kote panda del ape godi. Ov vakerel kaj te džal sine em fakulteti ka ovel sine lačho egzamplo e majternenge. Ko than odoleske e Biber si le but šukare hobi –giljajbe em hramosarel gilja.
Ov vakerel kaj desavo drom em ka ikavel lila odole gilencar. Trujal o hramosariba em giljajbe pv rekreativno džala em ki teretana trin droma ko kurko sar so vakerel te pherel pe baterie odoriga bašo nevo dive ki buti- Lp agor vakerav kaj nikana ma te daran tari I buti. Ma ladžan te len metla ko tumare vasta , ladžavo sit e bešen khere bizi buti te dikhen TV a o čhave te oven bokhale. Niko nane te anel mange anglo udar te hav, em te takjovav , te uravav man ten a uštilem korkoro em e Devleskere nafakaja te kerav buti – vakerela o Senad Biberović – Biber.
