62 vote „bašo“, bizo „mujal“ thaj „nautralno“, o Parlamento akceptiringja o Kanoni baši statistikani registracia (hramovipa) taro dizutne em kherutnipa, so trubul te ovel ko masek april akava berš- Ki bešin salde votingja pe e kanoneske, a o diskusie agorkergje ko 15 januari , kana na sine kvorumi te votinel pe. O deputatoa taro VMRO – DPMNE na sine ki sala ko vakti bašo votiba. Tari majbari opozicisko partia vakergje kaj ka kheden signature taro dizutne te šaj ma te ovel validno akava kanoni.
E statistikane operaciaja registracia (hramovipa) e Kanonea ka oven akceptirime:
Themutne tari Republika Utarali Makedonia so si len adresa dživdipasle jali akomodacia ki Republika Utarali Makedonia, bizo fakti si li ko momenti e statistikane operaciake ‘ registracia arakhen pe ki Republika Utarali Makedonia jali avrial olatar:
Stransko themutne so ko momenti si ki republika Utarali Makedonia validno bešipnaja
Persone so nane olen themutnipa a ko momenti tari implementeacia se statistikane operaciake si ki Republika Utarali Makedonia
Ko jekh e statistikane registracijaja em o kherutnipa akale personengoro em o apartamnia thaj aver thana..
E statistikane operaciajaj registracia (hramovipa) nane te oven akceptirime :
Diplomatsko personali taro stransko diplomatsko em konzularno representoa ki Republika Utarali Makedonia em o membria olengere familiake;
Stransko askereskoro personali em membria tari lengiri familia locirime ki republika Utarali Makedonia em membria em representoa ko internacionalno organizacie em institucie so ko momenti si ki teritoria tari Republika Utarali Makedonia thaj
Stratnsko themutne so ko vakti tari registracia (hramovipa) arakhen pe ki Republika Utarali Makedonia sebepi bukjarno drumo, privatno vizita, sasljaripa, turističko vizita em aver dromaripa.
Personenge themutne tari Republika Utarali Makedonia so si momentalno ko stranstvo olenge šaj den o informacie em olengere generalie dela persona so si la upreder 18 berš so majbuteder pendžarel olen , kote so del olengoro ID numero em ko jekh dela em piro ID numero.
Personenge themutne tari Republika Utarali Makedonia so si momentalno ko stranstvo ka šaj em korkoro te registririnel pe ko period taro 1 marti dži ko 21 aprilo 2021 berš ki extra aplikacia so ka ovel ki web tig taro Themakoro ofisi baši statistika.
I persona so korkororegistririnela pe trubul angleder te registririnel pe ki aplikacia em te šherel o formularia prekal elektronsko drumo em prekal I aplikacia te bičhavel dži ko Themakoro ofisi baši statistika kote so obligaciono ka implementirinen pe tehničko em organizaciono konsekvence aso o kakonia tari protektiva personalno informacie.
