Nane te ovel standardno bijava. Te keren pe rigorozno protokolia ko bijava. Taro šov dži ko 8 misafiria ko astali em odova manuša tari jekh familia. Ka legaren maske em ka ikaven salde kana ka han maro jali ka džan ko toaleti. O orkestar ka bašavel majhari 5 metria dur taro avgo astali, ko sako astali te overl dezinfekciono artiklo - akala si protokolia so roden o kafandžie te šaj lerel pe bijava so rodena taro Govermenti ko vakti taro olengoro kerdo protesto kote so than lele em avera sar so si muzičaria, snimatelia, kamermania em avera.
Ola ko protestia urgentno rodingje te čhinavel pe o embargo te keren pe bijava ko restorantia em o phravde tarase em rodingje te oven kotor taro protokolia te šaj keren buti sar so si bijava, babine, bijande dive em aver. Ola notiringje kote palem ka keren protestoa so si planirime bašo 22 thaj 23 fevruari.