O serveri informacienge Dobrénoviny.sk informirinela kaj i 11 beršengiri šahistka Agata Berkova reslja baro sukcesi ki olakiri konkurencia em khelgja remi e rusko šahovsko velemajstorea o Anatolij Karpov kana olakoro dat treniringja ola so barabutne olengere šahovsko timoa anavkerdo sar „Hrochotskské jezdci“ "(" The Hippopotamus Riders "), phargle sa o stereotipoa kaj o Roma našti te khelen šah. I Berkova si bijami ki slovakiakiri diz Poltar , a olakiri mangin premal o šaho si kana avgo drom bešlja ko šahovski tabla kana sine la berš tekvaš , E Berkova trenirinela la olakoro dat o Milan Berko so si korkoro jeri. Piro šahovsko džanlipa huavelae lokalno čhavencar so mangena o šah. Pobuter taro čhave so sikljona šah taro o Berko si Romane. O džanlipa dela len šajdipa majlačho avutnipa ko olengere dživdipa.
