Popišibaja e dijaspora ko palokurko ko 1 marti oficijalno startujnela i statistikani operacia. O themutne so si ki dijaspora ka šaj i aplikacia kote ka registririnen pe si ki web rig taro Themakoro ofiso baši statistika a o linko ka ovel em ko Ministeriumi avrutne bukjenge.
Suporto sar te pherel pe i aplikacia šaj resen em ko sa diplomatsko - konzularno ofisia so isi len sa o istrukcie em putarde telefonsko linie so ka oven aktivno 24 časoa.
„ I aplikacia si ko 8 čhibja, Okola so si lungo avrial em si len problemi e čhibjaja ka šaj pherebn i aplikacia ki anglikani čhib “ vakergja o ministeri Bujar Osmani em vakergja kaj šaj te registririnen pe em prekal mobilno telefonia.
O ministeri Osmani akcentiringja kaj o rezultatia tari registracia si importantno e themake. O direktori e Ofisoske baši statistika Apostol Simovski vakerel kaj i aplikacia si lokhi te pherel pe identično sar okoja so ka kerel pe em ki them em o informacie taro dizutne ki dijaspora ka udaren pe sa dži ko 31 mart.
„O proces taro popišiba ka ovel prkal web aplikacia em si lokhi, Sako so si ko stranstvo šaj te pherel ola. Jekhutno sar obligacia si te ovel ole piri e mail adresa. Odoja aplikacia našti keren la tari Makedonia, a o informacie so ka den pe ka oven protektirime,
Taro palokurko ka počminel em popis ko panda 5 kategorie thaj ki kolaboracia e Ministeriumea bašo armia, o Ministeriumi baši Jurisdikcia ko popis so si o phanle, em o Ministriumi baši sociala persone so si ko popravno domia.
