O Predrag Jovićić taro sakodrom mangela sine te ovel ole parno gad, ko vas parni aktovka, taro sako ki džepa parno mendili, te ovel le parne danda, te ovel le lačho parno vordon. Numa ov vakerel kaj e kalenge nane asavke lačhe parne bukja. Odoleske akana odova čhivela kalo ko parno prekal gilja ki pli šofto poema lila kote ilustririnel o Romano pharipa, em si akana jekhutno Rom ki lumia so akava berš ka konkuririnel Nobelovo phursakoske.
- O sakodiveseskoro romano dživdipa si identično, taro aspekto so sako nevo dive adžikerel le egzistencia em maripa mujal o čorolipa, bokh, diskriminacia, pire čhavenge, niamia , bukjake. Me odova maripa kerav prekal hramosaripa. Hramosarel em mi čhaj da em aver romane čhave , ama na lila, numa aplikacie bukjake. Ola si la diploma taro medicinsko škola em bašo duj berš hramongja 40 molbe bukjake ki Ambulanta ko Užice te kerel buuti ko kovid sistemi, ama olake na sine bukjarno than - vakerela o Predrag Rom taro Užice.
Oleskoro lil "Romano Baro Suno" editiringja la telal suporto taro Ministeriumi kulturake thaj informacie em si nominirime akale beršeskere Nobelovio phursako tari literatura. Suporto e Jovičeskere kandidatrake bašo Nobelovo phursako dengje em i Asociacia taro Srpsko Romane pisatelia. Akala divesa sebepi majlačhi promocia e lileske bičhavdi si em ki Šedia, Špania, Francia em USA kote isi baro numero romani populacia.