E čehiakiri žurnalisatikani agencia informiringja kaj i nevinotirimi direktorka Javno sastipaske ki Čehia ka ovel i džiakanutni direktorkako regionalno ofiso ko Moravi - Šlesia, i Pavla Svršinova, numa pali tikni vaktavin odole informaciake na resle te liparen o momenti kana ko masek oktomvri , hulavgja rasistikani notacia ko olakoro FB profilo ki konekcia e konsekvencencar taro Govermento mujal i Pandemia taro COVID 19. Si li o anti-romano rasizmo si nevo stilo ki komunikacia te šaj kerel o manuša ki Čehia te respektirinen o konsekvence e Govermenteskere mujal i pandemia so nesave sine kanonikane nekobor časia majpakjavutne na sine pučiba e PR o Marek Prčal.
O persi oktomvri i Svršinova hulavgjaakaja anti romani retorika: ”Fero Lakatoš avdive čorgja ko piro kher. Ov respektirinel o karantinsko niamia em kerel buti kheral, Ov sar o Fero”
Kana masovno sine hulavdi ko FB akava statuso em ko internet o žurnalistoa počmingje te komentirinen a oj kosljale o posti odoja rakj paše ko 19:30 , a olakoro profili ko FB ko 20 o časo saste našavdilo thhaj dengja klasično notacia kaj o serveri informacienge iDNES.cz kaj editiringja o posti a oj vakergja kaj nane nisavi konekcia laja em negirinela sine kaj oj si odoja persona so postiringja odova statiso em kergja odova posti.