Palo tikno nasvalipa ko 11 mart mulo o Goran Gavrilov (54) fundavutno e Radio Kanal 77 em o portalo Makedonsko Medija Servis. O Gavrilov sine em fundavutno em avgo manuš ki Asociacia e privatno elektronsko mediumia ki Makedonia (APEMM). Sebepi so džanela sine akaja problematika em sine profesionalno sine konektirime ko aniba sa o kanonia regulirime ko mediumsko aktiviteto ki them.
„Akale but sig maeriiba ko jekh em o romane mediumia (majbut o TV BTR ) našavgje jekh ččutno mediumsko bukjarno kote pire džanlipaja del sine baro suporto e Romenge ko mediumsko thana.
Ko starti kana počmingja te ovel aktivno o TV BTR - Nacional o Goran bizo te ovel ko duj gogja tehničko suporti e TV BTR” vakergja o direktori taro TV BTR Nacional o Zoran Dimov.
O Dimov ko plo anav e familiake taro Goran em oleskere paše manušenge sikavel majhor gajreti.
