E čehiakoro deputati o Lubomir Volni majdodorga profitirinel ko dumo e majčorolenge ko Roma ko lokaliteti ki diz Ostrava - Pzivos kote si le duj zgrade so nane lačhe šartencar dživdipaske. Ko momenti ov irangja i sama pi peste kana na respektirinel sine o sastipaskere protokoloa soske na legarel sine maska a paradksalno si kaj ulo mediumsko čeren maškar okola persone so na mangen te lagren o maske but Roma so dengje le motivacie em rekal o FB socialno netvorkom angleder duj berša kana o deputati dela sine antvortia ko kritike kaj kerel eksplotacia e manušenge bašo piro profito daravinaja kaj ka čhudel olen ko droma kole Romen so ka reagirinen. Odova sine leskoro antvorto kana sine pučlo taro čurnalisti o Martin Mikule ki programa e čehiakere televiziake „168 časia“.
O Mikule konstantno pučela sine e deputate dali ladžala so rentinel asavke apartmania so si len apsolutno substanbdardno šartia akale Romenge “ Tu sar žurnalisti ko radiodifuzno serviso te pčljan man panda jekh drom dali me ladava so rentinava asavke apartmania m a na dali ola ruminena me apartmanoa , nane pobut te dav antvorita ko tire pučiba em ka čhinavav o kontraktia olencar baši renta e apartmanenge, a odoleske ka ove došalo tu” vakergja o deputato anglal o kamere, kote so o žurnalisti vakergja kaj o Volni istemalkerel e Romen sar “dživdi barikada”