E Europakiri Komisia dengja propozalo te keren pe sertifikatoa tari vakcnacia kote so 450 milionia dizutne tari Europakiri Unia ka šaj tromale te dromaren ko 27.ta thema membria ki EU akava nilaj. O plani si kote ka kerel pe diskusia ko samiti e liderenge tari EU o kurko so avelate šaj keren pe agjaar anavkerde Covid pasportoa so ka lokharel o dromaripa ko thema membria tari EU maškar peste. Akale temake diskutirinel pe sine kurkencar em alo dži ko hulavipa mšakr o membria, I idiea majzorale propagirinen sine okola thema taro ekonomikani karanat tarp turizmi sar so si i Grcia, Špania thaj Portugalia resarinaja so kana ka khuven ki them te na kerel pe lenge testia em karantini, Avere rigatar o diskusie sar so si i Francia em Germania so vakeren kaj si but rano te anen pe asavke pasportos soske notirinen len sar diskriminatorsko soske buteder dizutne tari EU panda nane len vakcine mujal o Covid 19. O nevo dokumento ka ovel le anav sar Digitalno green sertifikato em bilovengoro ka ovel len sa o themutne tari EU so ka sikaven sar fakti dokumenti kaj si len vakcina mujal o Covid 19 em okola so si len negativno testi jali sine angleder nasvale taro virusi.