Duj kurke pali bari jag ko drom Aleksandar Medvedev ko Nip, akanaske našti savakteske te faisalkeren o pučiba taro 50 persone so ačhile bizo khera.
Palo bare jaga ko olengere khera ola ačhile salde bare borćencar.
O propozalo te istemalkeren pe o apartmania em te pukjinen kirija daravkergja e Romen so nane len pukjime smetke, majbut dživdinrena taro socialno jali si len minimalno prihodiajali našti dopherdo te hulaven po 70 eura ko masek baši kirija. Daravibaja tari piri agzitencia nekoj darana sine te na ačhon ko droma . Jekh kotor olendar si ko familie a avera si thanjarde ko khera ko centro “Mara”.
I bari jag sine ko drom Aleksandar Medvdev ko Niš rakajte paše ko 19,40 saato kote deš familier aćhile bizo pire khera. E policiakoro ofisi ko Niš vakergja kaj ki akaja bari jag nane ratvarde.
Premal o svedokia, i bari jag počmingja kana thabilo o odžako ki purani kasarna. O Roma našibja taro jag iklile ko droma bizo te ovel olen vakti te len pire dokumentia em o love.
Youtube