O Boris Miličevič o vice ministeri manušikane em nacionalno hakoa ko Govermenti e Srbiakoro ko plo Titter profilo akana sig editiringja tekti so irangja i sama em buteder dženege hulavgja piri storia bašo oleskoro pharo čhavoripa kote so barilo ki hranitelsko familia. Ov kerel lafi em e romane čhaveske so barilo olea ki odoja familia em so nakhavgje barabutne o majpahre periodo ko olengori čhavorikano dživdipa o romano čhavo o Aco em dengja le suporto ko majpahre momentia taro dživdipa. O Miličević ko plo Tviter vakerel kaj but phareste dživdinel sine em sako dive hala sine mariba bašo majtikne kerde feleria so maren le sine oleskere staratelia kote sine ko pašipa taro Beograd. Ov odova pharipa hulavel sine oleskere amalea e Acoja so sine leske sar phral.
-”Sine man baht ki sasti bibaht te dživdinav ki hranitelsko familia ko pašipa taro Beograd barabutne panda jekhe čorole čhavea o Aco so sibne mabdar phureder jekh berš
-Siem sine sar phralja. Nadžanav kaj si avdive o Aco ama sium leske but blagodarn so arkhel man taro sarinende kergja te mangav e Romen em averen em te sikavel man kaj siem savire jekh a jekh”
