Ki Albania isi sa pobuter educirime Roma so nesave si em politikane angažirime. Aama ko albaniakoro parlamenti nane romano deputati. O političaria džana ko romane mahale samo te len o vote. O sekiracie em i dar e Romen bistrena pe palo alusariba.
O Romano NGO sektori so kerel buti ko niamia e Romenge , Egipkjania em Aškalie darana baši piro avutnipa soske ko parlamenti nane ko te ikerel lengere niamia.
Odova havel pe sar majlačhe šartia ko kherutnipa, edukacia em buti.
Odoleske o avera političaria istemalkeren akaja situaciako vakti taro alusariba avena ko romane mahale, keren lafi, dena lafi, slikinena pe.
Odolea kinena em o romane vote em palo odova ačhola sa sar so sine. Ola ko anglualusaribaskere kampanje olen lena len sar dekoracia. O Roma rodena te oven respektirime na salde ko vakti taro alusariba, numa em palo alusariba.
Taro sumarum numero sar dizutne ki Albania so gejnela 3 milioniam 20.000 si Roma
