Angleder jekh kurko zoralo tornado astargje e dakšimmoravsko gav Hruški, Čehia. O lokalno dizutne astargja len baro haosi so sine kerdo em natakati te čhinaven. O inspektoria kergje kontrola o phagerde kherenge. Jekh olendar si em iJarmila Polakova,38-beršengiri Romani so našavgja plo kher em ačhili avrial pe šov e čhavencar. "O rakjutne haberia salde so počmingje ki televizia kana počmingja o biršim. I bavlal počmingja te phudel majzoraleste em džana sine kaj nane te ovel salde kijameti””O velespitia so sine ki avlin anglal o kher počmingje te ujraren em te oven čhideime ko roga. Odova ulo em e ciglencar em o pločke so sine ki avlin uzal amaro kher ko komšia. O tormado mjangleder peravgja sa o udara em o pendžerke so sine amen taro o kher palo odova vaudongja o krovi em o tavani em peravgja o majbaro duvar taro amaro kher, sar desavo domino a na sar zigle” vakergja bašo akava tornadi so astarde sine o regionia tari komuna Lužice, Mikulčica em Moravsko Nova Ves.