Ko socialno netvorkia bikinena pe thaj kinena pe falsikujme sertifikatia vakcinake
mujal o Covid 19 kana angje pe sar decizia ko neve restriktivno aktia bašo nakhujbe ko kafanem restorantia trgovsko centroa, bijava , seminaria thaj kulturno thaj sportsko manifestacie sa okolenge so nane vakcinirime.
Ki privat grupa ko Fejsbuk “Kupi prodaj Oglasnik” hulaven pe informacie em kontakt numeria taro persone so šak leren falsikujmo sertifikati. Prekal o komentaria dikhela pe kaj falc sertifikatea nesave manuša sine ko restorantia a sar vakerel pe ko komentaria desave em nakhle o simantre avrial tari i them.