O televizisko kanali Markaza tari Slovakia vakergja kaj štar beršengoro romano čhavo mulo tari astma ko Jarovnice ki Sabinova, Slovakia. Angleder te merel lokalno doktori na manglja te kerel leske tretmani sosek oleskiri daj na sine vakcinirime mujal o COVID-19.
O čhavo anavea Petar lungo vakti sine nasvalo tari astma em sine buteder droma hospitalizirime. Duj divesa angleder te merel oleskiri baba legaragja oler ko lokalno pedijatar soske sine vakcinirimei.
O doktori na mukhlja e baba tre khuvel ki ordinacia baši konsultacia em kergja kontrola upral o Ptear bizo oj te khuvel andre, E tikne čhaveske drabargje medikamentia ama olendar na sine pošukar.
I daj taro Petar irangja pe e čhavea ko doktori duj divesa palo odova. O pedijatri na manglja te dikhel e čhave soske I daj na sine vakcinirime mujal o COVID 19.
