I šerutni rolja ko filmi „Dara od Jasenovac“ khelel I Biljana Čekič, dešuštar beršengiri čhaj tari Kozarska Dubica. Arakhlja pe jekh a jekh e bare aktersko anavencar ko filmi, so kergja but bure ko regioni sebepi hor etnikane hulavipa so reflektirinena em o jazie taro manupa em o bibahta so ule.
„O akterstvo sine odova so čače interesirinela man sine vaktestar em mangav te kerav odoja buti ko mlo dživdipa, em mangav te ovav akterka. Nikana angleder na gindingjum kaj ka ovav akterka. Mangav te džav odole drumoa majodoriga” vakerel I Biljana.
O filmo “Dara od Jasenovac” si ko periodi taro Dujto lumiakoro maripa tari germansko-hrvatsko ofanziva ki Kozara kana o lokalno dizutne si legarde ko konc logoro . Maškar olende si em I dešberšengiri Dara olakere dajaj thaj o duj phralja . I bibaht so sine la ko Jasenovac dži ko kampo ki Stara Gradiška ka kerel I Dara te bajrol prekali rakj. I daj thaj o phureder phral tari Dara sine mudarde , a olakorero dživdipa ulo kurtalipa o dživdipa olakere majtikne phraleske.
Inale I karijera tari Biljana počmingja saste interesno kana olakiri profesorka angja jekh flaeri ko klaso kote so hramosarel sine kaj rodena te aven zainteresirime ki audicia odole filmeske, a I Biljana prijavingja pea ma na pakjala sine kaj ka ovel majšukar maškar o 100 čhave so avile ko kastingo.
