Sebepi jekh berš taro meripa Amdi Bajram e nekanutne lidereske taro Sojuzi e Romengoro em deputati ko pobuter mandatia an o makedonikano parlamenti o aktuelno presidenti taro Sojuzi e Romengoro Gabriel Bajram sebepi odova dive editiringja FB mesažo kote notirime si:
„Nane le... Nane e manuše so mandar kergja manuš!!! Avdive si jekh berš sar nane e persona so mandar kergja liko!! Sa ka dav ma te ovel o kalo 24 oktobro!!
Sa si ko piro than. O trosedi, i sofra , o vordon, o telefono, o biro, I partia, I nacia, o političaria I džamia..Ama ole nane le!!! Nane ko te pašljol ko trosedi tew khele pe unukoncar te bešel ko šerutno stolica taro sofra em te khedel e familia. Nane ko te bešel ko angluno than taro vordon nane ko te šužarel o vordon, soske bizi oleste nane o vordon šužo. Panda tergjol o čučo than ko biro ki partia. E nacia ko mitingoa nane la odoja euphoria so kerel la sine ov oleskere anavea. I nacia nane kaske te del aplauz em te vakerel AMDI, AMDI, AMDI, Nane ko te khuvel ko astali , ane e političare so džanel sine te diskutirinnel !!!
Sa si akate, ama khanči na vredinel, soske mod at nane akate!!!
Ko dženeti mo dat!!!!
Te dikhljan man nekotar mo dat, asa mange em vaker mange: But sium bahtalo em gordo ki tute mo čhavo!!!