O Rustem thaj i Šeherzada taro štipsko gav Laskavica dži ko desave berša angleder sine bahtale em saste, ama avdive sa irandilo. Dživdinen ki jekh phagi baraka, bokhale thaj nasvale a ola si barabutne 25 berša, ama o dživdipe dengja len but phare momentia. Akaja familia na sine taro sa vakti ki asavki situacia, ola keren sine buti em ko stranstvo. Sine len em lengiri privat firma bašo panjeskere elementia. O biznis na džala lenge sine em akana nane len ni 30 eura te phanen I firma. Nane len ni banja kaj te nangjon.
– Me ka nangjovav nekobor droma ko berš ama I romni salde kosel pe sapane maramicencar , em pobuter odolestar amen našti te kera.
– Siam sine ko Montenegro sar sezonsko bukjarne ama tikjnargje o plate I situacia uli but lošno em irangjam amen em od tegani si but panda pološno, vakerel o Rustemi.
– Sium borćlija ki dukjana laja minimalno socijalno so na resent e lav pampers em iljačija.
– Trujal akaja situacia so siam panda pobari belja em dukh si amaro čhavo so kergja baro feleri ko dživdipe em akana si ko phanlipe.
– O bilačho društvo kergja plo, čhivgje le ko desave melalle bukja, ama pakjava kaj ko sig ka ovel akate trujal amende.