Ko anglutne kerde tekstia ki konekcia e politikane rejtingoja e romane liderengoro, političaria thaj partie akcentirime si o agorutne aktia ki politikani scena ki amari them kote so ačhile salde paramkoa ko muj.
Ni o troje na resle te kheden len. Em i asavki situacia legarel amen te dikha „So si odova so valjani e romane politikane blokoske“
Te astargjam redoja o dijagnoze ka redinen pe jekh pali javer.
- Puranim hardžimi naelokventno romani politikani garnitura so mislinel kaj panda vredinela.
- Romane političaria em lideria so nane len sasti vizia em precizno politikani platforma em vizija.
- O terne kadria si sar „šošoeskiri daravutni“ varijanta tari dar te na „thabljol“ nekote ko ple politikane aspiracie.
- Jekhvaš pismeno em hari sikle FB romane političaria em lideria so mislinen kaj si faktori ki romani jekhoin em panda jekh tikno milionia aver egzamplia.
Mangaja jali na valjani te priznajna kaj amende e ROMENDE falinela o faktori so džanel te „khuvel vastea ko astali“ te sikavel „danda“ te manglja te resel dži negde pe naciake ki akaja them.
Oja točno amen o Roma siem krotko nacia, numa valjani po desavo drom em „arogancia“ soske „traibaja em“ dikhena ko savo deredže alem.
Amen ko jekh i doš valjani te rodala em amende da.
Kobro amen sar nacia siam hazri tre legara politiksa. Svedokia siem kaj ki tastatura but siem „zorale“ ama ki praksa na siem nikote,
Džanena nesave „keravde šere“ te vakeren ko stili: „Akava na trpinela pe pobuter valjani te vazda REVOLUCIA“ma te traina!
Ama me dikhav nešto aver. Amenge e Romenge na valjani amenge ko akava momenti REVOLUCIA. Baš odoja „R“ AMENGE E Romenge si sar barikada. Odoleske ko than Revolucia amenge e romenge valjani politikani edukacia em EVOLUCIA.
Odova amenge falinel oja EVOLUCIA athaj te mrdina amare mozočno politikane vijuge. Em pakjava kaj palo odova ka šaj te chida tari NULA.
Te kergjam agjaar sar so kergjem dži akana ka ova sako drom ko hor MINUS
