Vakerena kaj taro hohajbe na merela pe…Em čače si agjaar. Ama odoleske merel o amalipa, I pakjiv o manušipa….
O manuš vredinel kobor so vredinel em oleskoro lafi . A kana o dendpo lafi na pherel pe, tegani nane ni manušipa.
I politika si seriozno buti, seriozno manušenge em mora te del kvalitetno opcie e jekhinake em na tromal te ovel anarhistično. A amen avdive čačipaske si amen salde „stend up“ politikantia.
Tari javno nastapia kergje melali bara panjea kote sa si mukhlo – akošiba, hohaviba, etikitiriba... Odova modaliteti „bikingjre“ amenge.
Teleperavgje i kritičko gind em kergje peske teren kote so šđaj te uspejnel sako hohajbe jali finta.
Šaj li neko te ovel političari, em te nakhel taro odola panja, a te ačhol užo, namelalo, jekhe lafea pristojno em džovaplimo?
Ko akava momenti sar so funkcionirinena o bukja me mislinav kaj našti!!!
Direktoria, konsiliaria e direktorenge, šefia ko desave sektoria, državno službenikia--- Sarine olenge importantno si lenge i pozicia i plata, o beneficie, a e narodoske dukhala len okoja buti.
Političko marionete kukavice, parazitia, dujmujale... Nadžanel manuš savi bilačhi denominacia te vakerel la i forma taro politikakoro aktiviteti so funkcionirinen a amen o dizutne dengjam olen odola pozicie.
Ako sien taro okola raritetno retko so ka mukhen impresia kaj sien šukar manup kaste so pakjana , so šaj faisalkerel o problemia, tumen nane te ukomponirinen pe ko klasično stereotipo, em oven targeti taro politikane khelina, em o profiteriamm so sako momenti ka keren salde te meljaren tumari kariera em muj so ka mangel ov te vazdel pe upral odoja politikani „deponia“.
O političko dileme okola sar so si “tumare” em “amare” ule sar maripa maškar o šukar em o dćubgalo a o maripa rodela viktimia , žrtve te den kura
Đi e lidere ko odova pleme . Te vakergjem nešto bilačho mujal o “tumare” odova ka ovel percepririme sar “ predavniko”, “špioni” em o “pionia” valjani te oven eliminirime.žOdoleske tumen so mangen te keren šukaripe, so sien realno,, em so vakeren o čačipa ki akaja melali bara em melale panja so si pherdo “politikane krokodilencar” majđukar ka ovel “I godi ko šero em ti bul uzal o duvari”!
