Diplomirimo sociologo thaj medicinari o 27 beršengoro Fatlum Krieziu si jekh taro buteder membria taro minjoritetengiri jekhin ko Kosovo so si učeeducirime kvalifikujme so džabe rodena buti. Akale Romeske saste na sine taro fajde so sine le fakultetsko diplome ko oleskoro CV. Krieziu vakerel kaj buteder droma apliciringja ko themakere institucie numa bizo sukcesi. Ov sine irame kaj oleskiri diploma nane baši odoja pozicia soske apliciringja. Aver da terne Roma isi len asavko problem. Te oven da učeeducirime ola palem si ko margine taro o sasoitnipa em kotor tari romani diskriminacia em segregacia.
O Roma o Aškalie em o Egjipkjania ko Kosovo arakhen pea kale problemea bašo butikeriba. Em o universitetsko diplome na den len nisavo prosperiteti em ačhona avrial taro o sasoitnipa.
