O literaturi thaj kolumnisti o Marko Vidojkovič si šubikerdo baši natolerantno retorika mujal o Roma sebepi I kolumna “Raj u Vuka Vrčeviča” ki gazeta “Danas”
O Vidojkovič vakerel kaj nane rasisiti thaj ov salde ilustriringja i presia taro decenisko političko legariba e Srpsko progresivno partiake so isi le upral o dživdipa akale minjoriteteske.
I organizacia Opre Roma vakerela kaj o teksti taro Vidojkovič kote hramosarel e rpomane mahalake ki Karaburma si “simpotomi e viruseske tari antiromani politika”
Reakcia kergja thaj I komesarka ki protektiva thaj jekhipa I Brankica janković so šubikergja o bilačhi forma tari kvalifikacia e Romenge thaj vakergja kaj ka kerel kriseskoro akti akale kolumnake.
Piro dikhiba dengja I gazeta “Danas” kaskiri redakcia vakerel kaj I editirime kolumna si editirime “angleder sar ironično kritika ko politikano teleperaviba e Romenge , hramosardi ko teksti taro akava kolumnisto ko leskoro pendžardo stili”
I redakcia “Danas” angja decizia te chidel I kolumna taro Marko Vidojković “Raj u Vuka Vrčeviča” taro portali Danas.rs.