O Presidento taro srbikano parlamenti o Ivica Dačič hramosargja o dekreto alusaribaske presidento an i odoja them, so ka oven ki isto data kana ka oven o parlamentarno alusariba em alusariiba dizjakere šerutneske ko Beograd ko 3 aprilo akava berš. Odova si kaj taro akava momenti startujnel te kheden pe signature bapi kandidatura. Odova so si pendžardo si oanava taro ofto kandidatia . Udžarel pe ko akala divesa te vakeren em o aktuelno presidento o Aleksandar Vučič em o ex presidento o Boris Tadič.
I opozicia spsi kehdime prekal I Partia tromalipaske em jurisdikcia, Demokratsko partia thaj Nacionalno partia angje definitivno decizia te ovel o generali Zdravko Ponoš sar lengoro presidenteskoro kandidati.
O presidenti taro Dveri Boško Obradovič ka ovel kandidati taro patrotsko bloko.
Tari koalicia NADA (DSS-POKS) ka ovel o lideri e Demokratsko partiakoro e Srbijake Miloš Jovanović, Presidenteskiri kandidatura ko dekemvri havljargja thaj o ćurnalisti em deputati o Srgjan Škoro. Kandidati tari srpsko desnica Miša Vakić. Numa akava nane definitivno phanli lista taro kandidatia.
