O Ernesto Gevara (14 juni 1928 - 9 oktobro 1967) jail tikne anavea Če (španski: Che) — si marksističko revolucioneri thaj jekh taro lideria ki Kubansko revolucia.
O Gevara sine jekh taro importantno persone ki revolucia taro Fidel Kastro ki Kuba (1956-1959) sar membro ki asociacia „26 juli“.
Pali I viktotria ki revolucia nekobor berša sine aktivno ki promocia e revolucionerno sasoitnipaske dromaripaja ki lumia sar Kubansko diplomati . a palo odova personalno angažirinel pe sine ko tromalipa taro diktatorsko režimoa, majanglal ko Kongo a palo odova em ki Bolivia.
Ki Bolivia ki kolaboracia e CIA-ja thaj o bolivisko askeri sine astardo em javinate sine mudardo. Oleskoro liko sar borco ko tromalipa e viktimmenge taro imperijalizmi avdive da palo deceniencar taro leskoro meriba si sikavdo sar jekh taro šerutne simbolia thaj ikone ko socialno thaj politikane revolucie ki sasti lumia. Sar zoralo komandanti thaj lipardo ki pli revolucionerno resarin em moralno autoritetea upral piro askeri, ov ačhilo kontraverzno persona bare historikane aspektea.
O magazini „Time“ havljargja e Če Gevara bađo jekh taro 20 lumiakere ikone thaj heroia ki lengiri lista taro 100 majvlijatelno manuša an I lumia ko 20 veko. I pendžardi fotografia taro Če Gevara so kergja ola o Alberto Korda sine notirime sar majpendžardi fotografia an I lumia thaj simbolo ko 20 veko tari rig e akademiake bašo arti ko Merilend.
