O skopjanco Toni Sali 19 beršengoro maturanti super sukcesea so mulo persi berp diskriminirime tari I them so nikana na verifikujngja oleskere biološko dade thaj na dengja ole personalno numero thaj identifikacijakiri karta akana legargja I viktoria anglal o Majučo adalati. Oleskiri advokatka I Tamara Slaveska- Apostolovski dendi taro Ministeriumi jurisdikciake sar bilovengiri parajurisdikciakoro suporto , palo oleskoro meripa persi berš geli majodoriga ki procedura kop lo borči.
Kana o Civilno adalati Skopje frdingja e Toni Sali angleder te merel iranibaja I tužćba taro advokatia te vakerel pe koj si o biološko dat e Toniske oj na ačhili odothe.
I Slaveska – Apostolovski dengja žalba dži ki Apelacia ko Skopje. Numa thaj I Apelacia na akceptiringja o akti anibaja decizia kaj o Civilno adalati našti ov te anel decizia ko si oleskoro biološko dat.
I advokatka pali akaja andi decizia taro I Apelacia vakeribaja kaj o Civilno adalati valjani te notirinel ko si o biološko dat so si faisali lungoberšengoro rodaripa tarpo Toni Sali thaj I daj leskiri te paj resel personalno numero thaj identifikaciajkiri karta em te ovel registirime ko lil bijanipaske, oj dengja revizia dži ko Majučo adalati.
Oj avdive reslja I decizia taro majučo adalati an I Makedonia kaj I advokatka taro Toni si ko čačipa.
„I revizia si akceptirime . O učo adalti vakergja kaj o Civilno adalati valjani sine te kerel buti ko odova akti taro Toni Sali em zojrakeriba biološko dat , a n ate frdel o akti! I jurisdikcia reslja , pohari ama čače, trujal so haringja!” vakergja I advokatka Tamara Slaveska- Apostolovski.
I decizia so ka del suporto buteder fantomenge bijame an I Makedonia ka resen piro personalno numero em ka keren pire fundavutne manušikane niamia angje o uče krisaria : Špend Devaja, Mirjana Radevska – Stefkova, Isamedin Limani, Lidija Martinova thaj o Nake Georgiev.
Numa e Toni Sali pobuter nane le!.