I agorutni akcia kote sine astarde mobilno telefonia, čhurika, droga, love, ko phanlipa ko Idrizovo sikavgja o anomalie an o sistemi em ko jekh o šanse ko odova te oven involvirime thaj I korkori policia te anel odola namukhle artiklia ko phanlipa.
O Nacionalno ombdusmano o Naser Ziberi ki pšres konferencia vakergja kaj e phanlenge te del pe leske mobilno telefoni , e phanlipaskere policajcia ko phanlipa rodena sine taro 200 dži ko 500 eura ko athinalipa savo si o phanlipa.
Akale aktenge ka del li neko dževapi o Ziberi vakergja te sine zojrakerdi personalno doš ka implementirinel pe numa I buti taro ombdusmano sit e notirinel a n ate globinel.
Baši resocijalizacia o ombdusmano vakergja kaj nane ko nivo em konstatirime si anomalie taro profesionalno profile ko odola umalja . E phanle personenge vakergja kaj majbaro problem si o vakti so nakhaven le avrial jail salde 2 časora, a 22 časora si ko phanlipa.
