Ko vakti taro oficialno performanso „Trujal o lavirinti tari Romani historia“ ki organizacia taro ZRDICM olakoro kuratori o magistar Daniel Petrovski notiringjja kaj trubul seriozno naučno historikano rodaripa e Romenge ko vakti taro dujto lumiakoro maripa an i Makedonia.
Faktia thaj informacie isi salde trubul suporto ko roodaripa em olengiri buti., Ake jekh tikni informacia ko odova konteksti. Prekal o svedoštvo taro Roma so ačhile dživde baro numero Romane džuvlja sine seksualno terorizirime taro okupatoria, Baro numero Roma taro Skopje, Kumanovo, Štip, Bitola, Prilep sine deportirime em zorea te keren buti ko tamikeriba i pruga Skopje - Kjustendil . Neko olendar palo desave berša irangje pe numa isi em Roma so na irangje pe . Ko oleskoro rodaripa alo dći ko informacie kaj o Roma partizania ko NOB na sine evidentirime sar Roma numa sine evidentirime sar taro aver etnikumi.
Odoleske o Petrovski rodela taro institucie te den suporto e bukjenge ko naućno romani thaj na romani maškar an I Makedonoa ko olengoro rodaripa resarinaja te resen pe informacie e Romenge tari Makedonia ko vakti taro Dujto lumiakoro mariba.