O Jan Sivak (27) ko avgo kurko taro masek avgust kurtalingja pire paše familia tari bari jag ko drom Hvesdni an o Lipnik nad Bečvou, Čehia, Štar čhave tergjona sine anglal I pendžerka em rodena sine suporto kana o apartmani thabilo.
E čhaven sine len baht te šunel olen olengiri familia , so dživdinel an o pašiša thaj alo te kurtalinel olen. Kana ko 2 o časo thaj 30 minutia šungja e čhaven sar rovena em rodena suporto ov prastandilo em iklilo ko drom.
O štar čhave thaj olengiri daj sine ko dživdipaskoro riziko. O Sivak na našavgja vakti lelja basamakia taro komšia te šaj huljarel e čhaven jekh palo jekh tari bari jag ko olengoro kher.
„Štar čhavo em odova taro 2, 8, 13 thaj 15 berša tergjona sine trujal I pendžerka em akahrena sine suporto. Našti sine te ikljoven. Akhargjum mujal jagakere ekipen . Na sine man vakti te udžarav. Leljum o basamakia em ukliljum ko dujto etaži taro apartmani. Ikavav sine e čhaven jekh palo javer avrial taro thardo apartmani ko sigurno than. Sa odova sine paše 5 minutia “ vakerel o Sivak e mediumenge. So reslja ov te kerel anglal te aven e mujaljagakere ekipe.
„Paloo odova dikhljum sar I medicinsko ekipa ale dži ki daj e čhavengiri , miri bibi taro thardo apartmani “ vakergja o Sivak . Oj palo odova sine legardi ko hospital te den la medicinsko arka sebepi so sine toksicirimi taro o dumani em sine mukhli khere o aver dive.
“O aver dive havgjum kaj akaja familia thargja momoli ki kujna em olengiri mačka peravgja ola. Bahtake ko vakti reslje te džan an o saloni podur tari I bari jag so buvljola sine, em akahrgje suporto “ vakergja o Sivak.
