O egzodusi e Romengoro taro Kosovo thaj saste ki Ex Jugoslavia ko 90-to berša sine jekh taro majmasovno. Baro numero Rooma chidingje prekal šukar dživdipa primal Europakere thema bikinibaja em pire khera te šaj ovel olen drumoske, sa dži kote na arakhen piro stalo ani desavi them an I Europa.
Numa olengoro migriribe taro režimi taro o Miloševič ko desavoo majnormalno dživdipa na sine lungo vakti. O jekhutno kerdo kontrakti baši readmisia maškar I Srbia thaj EU uli validno taro 1 januari 2008 berš . Ko teskto taro o kontrakto baši Readmisia notirime si kaj ka den suporto e manušenge so avile an o thema tari Europakiri Unia sebepi I bilačhi situacia ko olengere thema, numa o čačipa si hari aver čhane. Sasti impresia taro o aktivistia bašo manušikane niamia si kaj ko odova čhani akala barvale thema tari West Europa sar te užaren pe taro imigrantoa , garavipaja piro rasizmi pali formulacia “readmisia”.
Neko pakajala kaj o lafi “readmisia” thaj “Organizitrimi deportacia si saste čačutne etikete kana kerel pe lafi akale procesoske.
„Odoja politika si konsekvenca taro trušalipa e agjaar notirime “them bašo lačho dživdipa” sar so amaro sasoitnipa dži akana percepirinel sine e EU.
Akana avel pe dži ki situacia kana odola phuvja kote si o lačho dživdipa paldela e manušen so na mangela len so našti oven konektirime ko netvorko tari socijalno politika thaj avela dži ko deportacie e Romenge em akana si but majklar ilustracia akale politikake“
