An o 1996 berš o Šuto Orizari barabutne e duj e gavencar trujal leste – Gorno thaj Dolno Orizari , formiringja pe korkorutni administrativno jekhin - komuna Šuto Orizari.
O Šuto Orizari startujngja sar kvarto an o Skopje palo katastrofalno phuvjakoro tinaniba ko 1963 berš . Palo nevikeriba e Skopjeske em leskoro trujalipa ko than e avdusutne komunake počmingje te aven pherdo Roma . Avdive o Skopje si periferia e Skopjeske. Niveliribaja thaj formiribaja I komuna Šuto Orizari resel forma sar urbanizirimi mahhala . Vaktea o Šuto Orizari resel em edministrativno thaj kulturakere institucie.
I komuna Šuto Orizari si kotor taro Skopje thaj si jekhutni romani komuna an I lumia kote e Romen si len piro dizjakoro šerutni thaj šaj te keren pire nacionalno niamia.
I komuna arakhel pe ko utaralo kotor tari diz Skopje . Aktuelno dizjakoro šerutno e komunake si o Kurto Duduš, Dži akana dizjakere šerutne an I komuna Šuto Orizari sine Neždet Mustafa, Erduan Iseini, Elvis Bajram . Ko jekh period ko lokalno alusariba viktoriringja em o Amdi bajram, nma sebepi ko phanlipa. O alusariba sine kerdo nevo termino.