But hari džanena kaj trujal o baripa ko filmia o čarli Čaplin angja leske em problemia e amerikansko govermentoa. O direktori taro FBI Edgar Huver pakjala sine kaj o Čaplin si komunisti thaj daravin bašo themakoro siguriteto taro USA. O Huver dengja peske savala te paldel le tari I them .
O FBI špočmingja te kerel rodaripa ko Čaplin bašo šajdutne konekcie e komunistencar ko 1922 berš.
O filmsko liko taro leskere filmia vazdel sine o šubikeriba ko FBI soske khelel sine filmsko rolje taro čorole, bibikjakoro so kerel sine hajgara e barvalencar ko kapitalistikano sasoitnipa. So kamel sine o Čaplin te vakerel akalea? O dosie taro o akteri resel sine 1900 riga. Oleskoro antvorto dži ko mediumia sine “ Na kamav te kerav nisavi revolucia, salde mangav te sniminav filmia”
Ko 1939 berš o Čarli Čaplin kergja panda pobari šubikerin kana satiriziringja e Hitlere ko oleskoro avgo film tonea “o Baro diktatori” . Ov nakhlja duj berš hramondo o scenario – So sine motivi te kerel plo jekh taro majbare filmsko monologia ki historia e filmeske?.
Kamel li sine e Amerika te čhivel ko maripa e Germanijaja? Asavke pučiba dena sine desave amerikansko senatoria thaj kongresmenoa trujal o baro sukcesi e filmeske . Oleskoro sikavibe sine jekh vakti thaj namukhlo ko nesave thema tari latinsko Amerika. I lumia salde so khuvel sine ko Dujto Lumiakoro maripa.
Numa o Čaplin e FBI eske sine interesno thaj leskoro privat dživdipa. Sar egzamplo o FBI našti sine te arakhel save darhie si e Čapline, kote si saste bijamo, thaj odolea so odothe konektiringja thaj e britansko andrune policia . Džanel pe sine kaj si Britanco, a o korkoro Čaplin na mangel sine but te kerel lafi akaleske (palo leskoro meripa , oleskere čhave vakergje kaj si bijamo ko romano travels karavani, thaj ko momenti kerel pe filmi ki akaja tema). Sar so vakerena o FBI rodela sine faktia te arakhel desavo kompromitiračko fakti taro akteri. Khuvena sine em ko leskoro skandalozno familiarno dživdipa, prandingja pe pobuter droma thaj sine le pobuter čhave taro diferentno prandina.
Kana o Čaplin gelo ki Britania ki premiera oleskere filmeske „Limelight“ an o 1952 berš., e themakoro kriso taro USA dengja akti zte našti iranel pe an I Amerika bizo te vakeren soske. O akteri na sine le amerikansko themutnipa thaj lokheste sine leske phanle o udara tari Amerika. Taro odova mpomenti ov dživdinel sine an I Švajcaria. O Čaplin ki Amerika irangja pe ko 1972 berš te šaj lel piro dujto phursako Oskar , akava drom bašo oleskoro sabarabutno butikeriba an I kinematografia.
O Čarli čaplin taro vakti na ignoririnel sine I politika. O “Čergari” so sine le interesno phiriba zalelja I rig mujal o “lošno”, ko vakti kana kerel pe sine lafi mujal o fašizmi si sar kaj si tari rig e komunizmoske. Kana o Čaplin kergja akava I lumia panda nadžanel sine bašo o konc kogoria, a I Amerika panda na sine ko maripa.
