„Panda si bauk an I Makedonia džuvli te lel ko vasta truba thaj te bašavel” vakerel I 46 beršengiri Tehemana Lazar taro Kumanovo, jekhutni romani džuvli so bašavel truba an I Makedonia.
Oj kerela buti ko duj thana, profesorka prekal romani čhib an I škola “Brakja Ramiz thaj Hamid” ko Šuto Orizari, thaj profesori prelkal muzika ki škola “Roma rock school” . Odori predajnela vocal, solfež thaj truba, thaj na sikljovena slde romani muzika , numa thaj avera muzikakere stiloa.
I Tehemana vakerel kaj olakoro dat si trubači thaj sar tikni zainteresiringja pe bađi truba a sar sako čhavo oj da sikavgja interest e sikljol te bašavel akava instrument.
„Kana sikljovav sine te bašavav ikljola sine desavo toni, so sine mange interesno sar čhaj. Kana hramosargjum masn ki teluni muzikakiri škola , sare pučena man sinre so mange te bašave, me vakerav sine – truba.
Sako instrumenti sip ire komplicirano momentia. Trubul but praktika thaj pobuter vakti te nakhave odole instrumentoa.
But sium sine bahtali kana šungjum kaj isi nekobor čhaja tari škola “Brakja Ramiz Hamid” so mangen te bašaven truba. Ola počmingje te improvizirinen hornakja, ama tikne si em ko starti. Ka dikha dali ka aven te sikljoven te bašaven” vakerel I Tehemana.
